ტაშკენტში გამართული Innovator Uzbekistan-ის სამაუწყებლო ტექნიკის გამოფენაზე, სამაუწყებლო ინჟინერთა ასოციაციმ (SBE) და IEEBE-მ ჩაატარა სემინარები თემაზე: უახლესი მიღწევები სამაუწყებლო სფეროში.

გამოფენა მოიცავდა რამდენიმე მნიშვნელოვან საგანმანათლებლო სესიას, მათ შორის გამორჩეული იყო პრეზენტაცია, რომელსაც ხელმძღვანელობდნენ SBE-ის პრეზიდენტი ტედ ჰენდი, საბჭოს წევრი ფრედ უილარდი, მდივანი გერი მორილი და IEEBE-ის თავმჯდომარე დავით რობაქიძე. მათ განიხილეს სამაუწყებლო ინჟინერიის უახლესი ტენდენციები, მათ შორის მოწინავე გადაცემისა და კონტენტის მიწოდების ტექნოლოგიები, IP-ზე დაფუძნებული სამუშაო პროცესებისა და დისტანციური წარმოების მზარდი როლი და სხვა. პრეზენტაცია მოიცავდა როგორც თეორიულ, ასევე პრაქტიკულ მაგალითებს, რაც მონაწილეებს აძლევდა შესაძლებლობას, მიღებული ცოდნა რეალურ საქმიანობაში გამოეყენებინათ.

ტექნოლოგიური ტენდენციების განხილვასთან ერთად, სესიამ ასევე გამოკვეთა პროფესიული სერტიფიცირების სარგებელი. სამაუწყებლო ინჟინრებმა მიიღეს ინფორმაცია სერტიფიცირების შესაძლებლობებზე, რაც მათ კარიერულ წინსვლაში დაეხმარება, მაგალითად, Certified Broadcast Television Engineer (CBTE) სერტიფიკატი. ეს გლობალურად აღიარებული სერტიფიკატი მნიშვნელოვან ნაბიჯს წარმოადგენს მათთვის, ვისაც სურს ცოდნის გაღრმავება.

განსაკუთრებული მიღწევა: დავით რობაქიძემ მოიპოვა CBTE სერტიფიკატი

სამაუწყებლო გამოფენაზე დავით რობაქიძეს პირადად გადაეცმა CBTE სერტიფიკატი. 2024 წლის ოქტომბერში, აღმოსავლეთ ევროპის სამაუწყებლო ინჟინერთა გაერთიანების (IEEBE) თავმჯდომარემ, დავით რობაქიძემ, მოიპოვა Certified Broadcast Television Engineer (CBTE) სერტიფიკატი SBE-ის მიერ. ეს სერტიფიკატი აღიარებს მის გამოცდილებასა და კომპეტენციას სამაუწყებლო ინჟინერიის სფეროში. რობაქიძის ხელმძღვანელობით, IEEBE-ს მნიშვნელოვანი წვლილი აქვს შეტანილი სამაუწყებლო ინჟინერიის სტანდარტების გაუმჯობესებაში აღმოსავლეთ ევროპაში. მისი CBTE სერტიფიკატი ხაზს უსვამს მის ერთგულებას პროფესიული სრულყოფისა და რეგიონში სამაუწყებლო ინდუსტრიის განვითარებისთვის.

IEEBE -მ ახალი წევრები მიიღო

IEEBE-მ გამოფენაზე ასევე მიიღო ახალი წევრები. როგორც SBE-ის აღიარებული ფილიალი, IEEBE ორიენტირებულია იმ რესურსებისა და შესაძლებლობების შეთავაზებაზე, რომლებიც ინჟინრებს ეხმარება თავიანთი უნარებისა და კარიერის გაუმჯობესებაში. IEEBE-ში გაწევრიანებით, წევრებს შეუძლიათ ისარგებლონ ექსკლუზიური სასწავლო პროგრამებით, სერტიფიცირების შესაძლებლობებით, პრეზენტაციებით, ვებინარებითა და პროფესიონალების გლობალური ქსელით, რომლებიც სამაუწყებლო სფეროში საერთო ინტერესებით არიან გაერთიანებული.

რატომ უნდა ადევნოთ თვალი IEEBE-სა და SBE-ს

უახლესი ტენდენციებისა და ტექნოლოგიების ცოდნა კრიტიკულად მნიშვნელოვანია მუდმივად განვითარებად სფეროში. ისეთი ორგანიზაციები, როგორიცაა IEEBE და სამაუწყებლო ინჟინრეთა საზოგადოება (SBE), ფასდაუდებელ რესურსს წარმოადგენენ იმ ინჟინრებისთვის, რომლებიც წინსვლისკენ მიისწრაფვიან. სერტიფიცირების პროგრამების, ტრენინგებისა და ნეთვორქინგის შესაძლებლობების მეშვეობით, ინჟინრებს ეძლევათ შესაძლებლობა, წარმატებას მიაღწიონ კარიერაში და წვლილი შეიტანონ სფეროს მომავალ განვითარებაში.

Innovator Uzbekistan-ის სამაუწყებლო გამოფენამ ხაზი გაუსვა უწყვეტი განათლებისა და პროფესიული ზრდის მნიშვნელობას, რაც აჩვენებს, რომ სამაუწყებლო სფეროში წარმატების გასაღები თანამედროვე და უახლესი ტექნოლოგიების ფლობა და მომავალი განვითარებისთვის მზადყოფნაა. სამაუწყებლო ინჟინრებისთვის გზა არ მთავრდება დიპლომით ან პირველი სამსახურით — ეს არის მუდმივი სწავლის, ადაპტაციისა და ინოვაციებისკენ მიმართული პროცესი.

მზად ხარ შემდეგი ნაბიჯებისთვის?

თუ ხართ მედიატექნოლოგიების ფეროში და გსურთ თქვენი უნარების გაუმჯობესება, IEEBE-ის წევრობა დაგეხმარებათ კარიერულ წინსვლაში. CBTE სერტიფიკაციაზე წვდომით, სპეციალიზირებული ტრენინგებითა და პროფესიონალების ქსელით, შეძლებთ გაუმკლავდეთ თანამედროვე გამოწვევებს და ჩამოყალიბდეთ მაღალი დონის პროფესიონალად.

გაცდი წევრი და გამოცადე უსაზღვრო შესაძლებლობები IEEBE.org/membership

#BroadcastEngineers #IEEBE #SBE #BroadcastExhibition #CBTE #CareerGrowth #ProfessionalDevelopment #Broadcasting #BroadcastEngineering